Ai solli imazhet e para të supermodeleve që sot vazhdojnë të sundojnë botën e modelingut. Peter Lindbergh vazhdon prej 40 vitesh që të jetë një nga fotografët që është adhuruar dhe respektuar më së shumti nga bota e modës.
I njohur për fotografitë bardh e zi të viteve ’90, ai ka ngritur në piedestalin ku vazhdojnë të jenë edhe sot, supermodele si: Kate Moss, Naomi Campbell apo Linda Evangelista. Por aparati i tij fotografik ka fokusuar ndër vitesh edhe aktoret ose këngëtaret më të njohura, si: Julianne Moore, Charlotte Rampling, Tina Turner, Daft Punk etj.
Por Lindbergh vazhdon t’i qëndrojë revolucionit dhe stilit të tij. Gjatë një deklarate për CNN, Peter Lindbergh tha se edhe sot pas kaq shumë vitesh, ai i qëndron vendimit të tij për të mos i edituar fotografitë. Sipas Peter, “ëndrra e perfeksionit dhe e të qenit përgjithmonë e bukur, është thjesht një mendim qesharak”.
Veprat e realizuara prej tij janë shfaqur në editoriale të rëndësishme, kopertina albumesh apo edhe në fushata të ndryshme marketingu. Mbi 220 fotografitë e realizuara prej tij janë bërë pjesë e ekspozitës “Peter Lindbergh: Një vizion ndryshe në fotografinë e modës”.
*Shfleto galerinë
