CEO i Amazon, Jeff Bezos dhe gruaja e tij, MacKenzie, kanë njoftuar se do të divorcohen pas një martese 25-vjeçare.
Dyshja dha këtë vendim në një deklaratë të përbashkët të mërkurën në Twitter.
“Ne duam që njerëzit të dinë për një zhvillim në jetën tonë. Pas një periudhe të gjatë bashkë, ne kemi vendosur të divorcohemi dhe të vazhdojmë jetën si miq. Ne ndihemi jashtëzakonisht me fat që kemi gjetur njëri-tjetrin dhe jemi thellësisht mirënjohës për secilin vit që ishim të martuar. Nëse do të ishim në dijeni se do të ndahemi pas 25 vjetësh, do ta bënim prapë. Ne kemi pasur jetë të shkëlqyer së bashku dhe ne gjithashtu shohim një të ardhme të përbashkët si prindër, miq dhe partnerë në sipërmarrje dhe projekte. Ndonëse statusi mund të jetë i ndryshëm, ne mbetemi familje dhe miq të dashur”, tha Jeff.
Amazon, e themeluar 25 vjet më parë, këtë javë eklipsoi Microsoft-in duke u bërë kompania më e vlefshme në botë.
Jeff Bezos, 54 vjeç, i cili themeloi Amazon, është njeriu më i pasur në botë sipas Indeksit të Bloomberg, me një pasuri prej 137 miliardë dollarësh, rreth 45 miliardë dollarë më shumë se Bill Gates.
48-vjeçarja MacKenzie Bezos është noveliste, autore e The Testing of Luther Albright (2005) dhe Traps (2013).
