Sot Kryebashkiaku Erjon Veliaj ka organizuar drekën festive të fundvitit për njerëzit në nevojë,në Qendrën Sociale Njesisia nr.9.
Sëbashku me shefat Fundim Gjepali, Arvin Kita dhe Bledar Kola, tre nga shefat më të mirë të kuzhinës në Shqipëri, kanë shtruar drekën gjigande me rastin e festave të fundvitit.
Kryebashkiaku Erjon Veliaj, ka falenderuar tre nga shefat, për kontributin e dhënë në ditën e sotme si dhe katër restorantet që ndihmuan në organizim duke shtuar se, dreka të tilla do të vazhdojnë të bëhen për muajt në vazhdim dhe jo vetem për muajin dhjetor.
“Për të gjithë stafet e qendrave sociale, apo edhe të katër restoranteve dhe kuzhinave që na u bashkuan sot,kam vetëm mirënjohje. Nëse pasi të mbarojmë festën do të trajtojmë edhe janarin si dhjetorin, se nuk kemi nevojë vetëm në dhjetor, kemi nevojë edhe në janar edhe në shkurt,edhe në mars, atëherë nuk ka asnjë arsye pse nuk duhet të jemi qyteti më i mire jo vetëm në Shqipëri, por edhe qyteti me solidaritetin,dashurinë edhe dhembshurinë më të madhe, në gjithë vendin tonë, apo edhe në rajonin tonë” – tha Veliaj.
Nuk kishte si të mbyllej ky vit më bukur se kaq nga Kryebashkiaku Veliaj.
