Disa njerëz e kanë shumë të vështirë të marrin vendime të qarta. Kjo lloj pavendosmërie e tyre u kushtëzon jetën edhe të tjerëve sepse si rrjedhojë bllokohen projekte, iniciativa, udhëtime, ëndrra, histori dashurie, projektime, apo ide për të ardhmen profesionale. Por, le të shohim cilat janë shenjat që shfaqin më shumë këtë karakteristikë, duke pasur në pjesën më të madhe një pasiguri të theksuar.
Binjakët: Ndoshta po, ndoshta jo. Mos na thoni që nuk e keni dëgjuar kurrë nga goja e Binjakëve një fjali të tillë? Të lindurit në këtë shenjë dallohen për karakterin e tyre të pavendosur. Duket sikur as ata vetë nuk e dinë se çfarë duan, por ja që as mish dhe as peshk nuk funksionon gjithmonë.
Gaforrja: Janë të pavendosur dhe kanë shumë frikë nga gjithçka: nga e ardhmja, reagimet, zhgënjimet, rrëzimet. Kur ka guximin të ikë, e bën këtë me vuajtje ekstreme dhe një barrë ankthi dhe tensioni të padurueshëm dhe të paqëndrueshëm. Kërkojnë konfirmim dhe mbështetje për zgjedhjen e tyre.
Peshqit: Një shenjë tjetër që është gjithmonë pak e pavendosur, për të tashmen, por edhe për atë që duhet të bëjnë në të ardhmen e afërt. Blerja e një shtëpie, një makine, lëvizja ose ndërrimi i vendeve të punës: përballë këtyre situatave, Peshqit shqetësohen dhe nuk mund të bëjnë një përcaktim të saktë.
/revistaliving
