Vogëlushja e familjes Kallaku, Ajka, feston sot 3-vjetorin e lindjes. për këtë datë të shënuar Besi i bëri të voglës një dedikim special në rrjete sociale.
“3 vite nga dita e lindjes tende, 3 vite nga dita sikur kam ardhur njehesh me ty ne jete pasi jeta dhe fryma moren kuptim ate dite, pikerisht. 3 vite ne hirin e plote te dashurise! @xhensilamyrtezaj”, shkroi aktori i humorit përkrah një fotografie të Ajkës.
View this post on Instagram
Ndërkohë për këtë rast ata janë arratisur si familjes në parkun gjigant të lojërave, Disneyland në Paris. Ky është destinacioni i ëndrrave i shumë fëmijëve, ndaj babi Besi dhe mami Xhensila janë siguruar që t’ja bëjnë sa më të veçantë Ajkës këtë ditë. Ata e kanë surprizuar Ajkën me një super festë në një lokal.
Xhensila ka publikuar videon, në të cilën një grup afrohen me një tortë në dorë, ndërsa Ajka shihet e lumtur. Më pas e vogla fik qirinjtë, teksa Besi dhe Xhensila i këndojnë këngën e ditëlindjes. Aktualisht Ajka ka vëmendjen maksimale të familjes dhe merr gjithë dashurinë e mundshme nga prindërit e saj.
Ndërkohë sa i përket planeve për një fëmijë të dytë, Xhensila ka folur më herët për “Rudina”, ku ka treguar se do të dëshironin shumë.
“Që do shtohet, sigurisht, por ende nuk kemi ndonjë plan. Kurdo që të vijë, është i mirëpritur…”,- iu përgjigj Xhensila pyetjes së Rudina Magjistarit.
Por në lidhje me gjininë e fëmijës, aktori dhe këngëtarja janë të ndarë në këtë drejtim. Besi është tipik shqiptar dhe do një djalë shok për vete, ndërsa Xhensila do të kishte më shumë në qejf një motër dhe shoqe për Ajkën.
“Besi këtu është tipik shqiptar, ai do djalë, ndërsa unë dua që Ajka të ketë një motër, sepse kam parasysh edhe lidhjen që kam unë me motrën…”
