Elia Zaharia dhe Princ Leka kanë festuar dje përvjetorin e parë nga dasma e tyre madhështore.
Dashuria e tyre disa vjeçare u kurorëzuar në martesë si dje një vit më parë, duke bërë gjithë botën të flasë për të. Dasma e tyre pati një ceremoni martese madhështore.
Këto detaje të një viti më parë nga organizimi çifti i ka risjellë në rrjetet sociale duke u shprehur mjaft të emocionuar për kohën që kaloi pa kuptuar.
“Si sot një vit më parë. Në këtë përvjetor të parë të martesës, po ndaj me ju disa kujtime të gëzueshme! Falënderoj me zemër të gjithë ata që na u bashkuan dhe na dhuruan ditën më të bukur të jetës sonë”, shkruan Elia pas kësaj videoje të “Valsit të lumturisë”.
Ndërsa Princ Leka shkruan:
“Në këtë përvjetor të parë të martesës, po ndaj me ju disa kujtime të bukura! Jam i befasuar sa shpejt ka kaluar viti, dhe dua të falënderoj të gjithë miqtë tanë që kanë qëndruar pranë nesh dhe që na kanë besuar dhe mbështetur si në ditë të bukura, ashtu edhe në ato të vështira!”
Dhe pas këtij postimi kanë vijuar të tjera foto nga çdo moment i dasmës. Elia u cilësua si një nga nuset më të bukura dhe në median botërore. Në ceremoni kanë mbërritur anëtarë të mbretërive më të mëdha në botë. Më poshtë fotot:
