Gati një vit më parë në emisionin “E diela shqiptare” u bë publik sherri brenda një familjeje shqiptare. Çifti ishte ndarë prej disa muajsh, ndërkohë që vjehrra nuk lejonte nusen të merre kujdestarinë e djalit të saj 3-vjeçar.
Në seancat e ndërmjetësimit nusja, Eglantina ftonte ish-bashkëshortin e saj, por për çudinë e të gjithëve vinte vjehrra dhe jo ai. Disa përballje të cilat u shoqëruan me akuza dhe kundër akuza të forta.
Pasi u zhvilluan seanca të njëpasnjëshme gjyqësore më në fund Eglantina arriti të fitonte kujdestarinë mbi djalin e saj. Mirëpo tashmë ajo është përballur me disa akuza të reja nga ish-vjehrra e saj.
Natasha ka folur përsëri publikisht në lidhje me nipin dhe nusen e saj në emisionin “Me zemër të hapur”, ku ka bërë deklaratën e fortë për familjen e Eglantinës.
“Për tërë gushtin e kam marrë Argentinin. Ndërsa për tërë vitin e marr në total 12 orë. Nip im dhunohet nga gjyshi i tij. Ai ka treguar se gjyshi e rreh.
Ai tregon se ka frikë nga ai, dhe se e rreh nënën e tij, Eglantinën. Babai i Eglantinës rreh edhe gruan. Madje u nxjerr edhe thikën. Gjyshi sheh filma porno në sy të nipit.
Djali është i traumatizuar, nuk bëri një ditë plazh. Kërkuam urdhër-mbrojtjeje. Por prokuroria e rrëzoi kërkesën. Dua t’ju them se Argentini duket sikur është 20 vjeç nga ana e zhvillimit seksual”,- është shprehur Natasha.
