Në muajin korrik të vitit që lamë pas, këngëtarja Rona Nishliu u bë nënë për herë të parë.
Ajo solli në jetë një vajzë, të cilën e pagëzoi me emrin Noa.
E vogla ka ndryshuar rrënjësisht jetën e këngëtares dhe për Ronën ky ka qenë viti më i bukur i jetës së saj.
Koha ka kaluar shpejt dhe sot Noa ka mbushur 1 vjeç.
Mami Rona ka ndarë në Instagram tre fotot më të ëmbla të këtij viti, që kur ishte në ditën e fundit të pritjes së ëmbël e deri sot me të bijën në krahë.
Krahas postimit, këngëtarja ka shkruar fjalët më të ëmbla nga zemra e një nëne, duke i uruar më të mirat e botës të voglës së saj.
“Noa jetë e vogël, e madhe!
9 muaj mezi të pritëm dhe kur të pamë ti ishe trilion fishi i asaj që ne kishim imagjinuar për ty. Zemra
rreh çdo ditë e më fort, se ti zbukuron çdo sekondë të jetëve tona, vetëm me një buzëqeshje e me 4 kicat e tu të bukur e të bardhë! Noa, ti je pauza më e bukur e qetësisë dhe piskama më e fortë e dashurisë… Ky po që ishte viti më i bukur i jetës sime e kushedi sa të mrekullueshëm do të jenë të tjerat që do vijnë pas. Gëzuar ditëlindjen oj gëzime, fytyra jote ndriçoftë përnatë si hanë e rrezatoftë përditë si diell. U rritsh me gëzime e shëndet, plot gjallëri, kuriozitet për planetin dhe paç shumë shoqe e shokë. Të duam Noa jonë ❤️ #Noa1vjeç #gezuarditelindjen #bdaygirl”
https://www.instagram.com/p/CC0QIcElW7v/
