Tetori paska qenë muaji i dasmave VIP në Shqipëri.
Si sot një vit më parë edhe Rudina Dembacaj dhe Mark Frroku kanë kurorëzuar dashurinë e tyre në martesë.
Në ketë një vjetor, aktorja është bërë nostalgjike duke ndarë me ndjekësit disa momente nga festa e tyre.
Krahas një videoje ku duket duke kërcyer krah për krah me partnerin në ditën e tyre të veçantë, Rudina ka lënë edhe një dedikim romantik për Markun.
“Të dua! Gëzuar përvjetorin dashuria ime,”-shkruan Dembacaj.
Kujtojmë që disa ditë më parë në një intervistë, Rudina rrëfeu momentin kur i kishte treguar familjes për Mark Frrokun.
“Motra ime dhe një nga djemtë e xhaxhallarëve, Iliri, kanë qenë të vetmit që më kanë folur, se as mami që po na ndjek tani, nuk më ka folur për tre muaj me gojë. Më mbajtën qëndrim se u dukej një gjë e tmerrshme dhe motra ka qenë mbështetja kryesore, patjetër, hap pas hapi. Si ja thashë? U ula dhe i thashë unë e dua këtë njeriun, tani zgjidhe vetë. Edhe ika vazhdova” – tha Rudina, duke shtuar se “Reda e kishte njohur Markun, por sidoqoftë ishte situatë e komplikuar. Shumë e komplikuar. Marku, tre fëmijët, unë, goca, nuk ishte një bashkim kaq i thjeshtë, mosha jonë, statusi që kishim si unë dhe Marku, ishte pak e vështirë ta kuptonin të gjithë. Por kjo nuk kishte asgjë të komplikuar, përveç ndjenjave të mia që mund t’i kuptonte vetëm Reda”, tha Rudina gjatë fjalës së saj.
Rudina ka edhe një vajzë, Viktorian nga martesa e saj e parë.
