Një vajzë e sapolindur e një zjarrfikësi në New York ka vdekur nga koronavirusi, duke u bërë një nga viktimat në moshë më të re nga virusi.
Jay-Natalie, vetëm 5-muajshe, vajza e zjarrfikësit të New York-ut, Jerel La Santa dhe punonjëses së Bordit të Arsimit Lindsey La Santa, kaloi një muaj në spital duke marrë trajtimin për virusin para se të ndërronte jetë të hënën.
Babai i saj, i cili u bë zjarrfikës në nëntor, në të njëjtin muaj që vajza lindi, e quajti Jay-Natalie një “princeshë luftëtare” për “shpirtin e saj luftarak”.
Fëmija ishte shtruar në një spital në Bronx më 21 mars me ethe dhe vuante edhe nga probleme kardiake. Pati një periudhë kur gjendja e Jay-Natalieu duk se po përmirësohej dhe familja e saj ishte optimiste.
Por ajo papritmas pati një arrest kardiak dhe mjekët nuk mund ta rikthenin në jetë.
Numri i vdekjeve në Shtetet e Bashkuara tejkaloi shifrën 51,000 mes më shumë se 890,000 raste infektimi. Por numri i vdekjeve të përditshme në New York ka rënë, me 422 të raportuar të premten – më i ulëti që nga 1 prilli.
/CNN
