Një vajzë adoleshente nga “British Columbia” vdiq pas përdorimit të një tamponi.
Sarah Manitoski, 16 vjeç, u gjet e vdekur në dhomën e saj gjatë një ekskursioni me shkollën në mars të vitit 2017, por vetëm këtë muaj ka dalë raporti i plotë i mjekut që tregon shkakun e vdekjes.
Shkaku i vdekjes së saj është “TSS”, një sindromë toksike që shkaktohet nga ekspozimi ndaj baktereve të stafilokokut, që lëshojnë toksina ose helme në qarkullimin e gjakut të një personi.
Miqtë e saj dolën për të ngrënë mëngjes dhe e lanë Sarën në gjumë, por kur u kthyen panë se ajo nuk jetonte më. Sara ishte ankuar për dhimbje barku në darkë, por nuk u kishte ksuhtuar rëndësi. Shkaku i vdekjes lidhet pikërisht me tamponin si dhe disa shenja të tjera të TSS që vunë re mjekët në trupin e saj.
Po çfarë është TSS?
TSS shkaktohet nga ekspozimi ndaj bakterit të stafilokokut, që lëshon toksina në gjakun e një personi, sipas Institutit Kombëtare të Shëndetit. Këto toksina mund të përhapen në të gjithë trupin dhe organet e një personi, duke shkaktuar dëme të mëdha.
Simptomat e TSS zakonisht përfshijnë ethe të larta, presion të ulët të gjakut, të vjella dhe skuqje – dhe është e rëndësishme të marrësh menjëherë kujdes mjekësor, pasi TSS mund të jetë vdekjeprurës deri në 50 për qind të rasteve.
Ajo që duhet të dini është se ai është gjithashtu krejtësisht i parandalueshëm: Mos e mbani tamponin tuaj për më shumë se tetë orë dhe përdorni atë me absorbimin më të ulët të mundshëm.
Burimi: Womenshealthmag
