Të qenit një nënë e dy fëmijëve e njëkohësisht grua në karrierë me një axhendë jashtëzakonisht të ngjeshur, duket se nuk e ka penguar Alketa Vejsiun të kujdeset për format e saj trupore.
Moderatorja e famshme e ka dëshmuar më së miri një gjë të tillë së fundmi nëpërmjet një fotoje të postuar në Instagram që ka mahnitur ndjekësit.
Në këtë foto, Vejsiu shihet e veshur me një palë pantallona të shkurtra teksa shijon pushimet në Itali dhe e gjithë vëmendja ka qenë tek këmbët e saj super të tonifikuara.
Në deklarata të mëparshme, Alketa ka theksuar se për të, të jetuarit shëndetshëm është thelbësore e madje edhe në punë shkon me biçikletë. Një gjë e tillë duket se i ka dhënë më së miri frytet e saj.
