Një lajm i trishtë vjen nga kinematografia hollivudiane.
Është ndarë nga jeta në moshën 71-vjeçare aktorja e njohur, Kirstie Alley. Ajo ka ndërruar jetë të hënën mbrëma (5 dhjetor), ndërsa lajmin e trishtë për publikun e gjerë e kanë ndarë dy djemtë e saj, William TrueStevenson dhe Lillie Price Stevenson.
Me anë të disa postimeve në rrjetet e tyre sociale, ata u shprehën se ajo humbi betejën me kancerin të cilin e kishte zbuluar së fundmi.
“Ajo ishte e rrethuar nga familja e saj më e ngushtë dhe luftoi me forcë të madhe, duke na lënë me gëzimin e saj të pafund për të jetuar dhe çfarëdo aventure që na pret”,thuhej në deklaratë.
Më tej në deklaratë thuhet se Alley, do të kishte mbushur 72 vjeç muajin e ardhshëm. Djemtë e cilësojnë si një “nënë të jashtëzakonshme, të ashpër dhe të dashur”.
“Aq sa ikonike ishte në ekran, ajo ishte një nënë dhe gjyshe edhe më e mahnitshme,” theksuan fëmijët e saj.
“Zjarri dhe pasioni i nënës sonë për jetën, fëmijët, nipërit dhe kafshët e saj të shumta, për të mos përmendur gëzimin e përjetshëm të krijimit, ishin të pashembullta dhe na lanë të frymëzuar për ta jetuar jetën në maksimum, ashtu si ajo.”
