Me rastin e festës së Pavarësisë së Kosovës, konkurrenti Donald Veshaj kërkoi në shtëpinë e “Big Brother VIP” telajo dhe bojë për të pikturuar portretin e të famshmit Adem Jashari.
Piktura u duartrokit fort nga vetë banorët dhe po ashtu edhe publiku. Mirëpo, si çdo gjë tjetër në këtë edicion, edhe puna e Donaldit u vu sërish kësaj here në dyshim.
Megjithëse ai ka treguar që është një piktor i talentuar dhe është marrë me këtë punë gjatë gjithë jetës së tij, sërish një pjesë e publikut dyshon se puna përfundimtare nuk është e Donaldit.
Në rrjet po qarkullojnë “teori konspirative” se Donaldi e përfundoi punën e tij por jo siç duhet, ndaj produksioni ia ndërroi pikturën me një tjetër më të realizuar.
Po ashtu po qarkullon edhe kjo foto e “dallimit” mes dy pikturave.
Mendoni se kanë dallim?
Rikujtojmë se sonte është nata finale e “Big Brother VIP”, pas katër muajsh sprova e emocione të shumta për banorët përpara publikut shqiptar.
Donaldi, Iliri, Einxhel dhe Beniada janë katër finalistët, njëri prej të cilëve do të ketë fatin të shkojë sonte në shtëpi me çmimin e madh.
Prej ditësh produksioni po përgatitej për finalen e madhe, ndërsa në spektakël do të performojnë të gjithë ish-banorët e këtij edicioni.
