Filmi “Zgjoi” (Hive) i regjisores shqiptare e Kosovës, Blerta Basholli, është dhënë premierë tashmë në shumë vende të botës.
Ai ka pasur sukses të jashtëzakonshëm, aq sa në muajin Shtator, filmi “Zgjoi” i realizuar mjeshtërisht nga shqiptarët e Kosovës aplikoi për çmimet Oscar.
Përveç çmimeve dhe vëmendjes së madhe, ky film, i cili pasqyron vitet e dhimbshme të Kosovës ka tërhequr edhe vëmendjen e producentit të njohur amerikan Quincy Jones.
Në vitin 1971, ai u bë afrikano-amerikani i parë që ishte drejtor muzikor dhe dirigjent i Çmimeve të Akademisë.
Në vitin 1995, ai ishte afrikano-amerikani i parë që mori Çmimin Humanitar Jean Hersholt të Akademisë.
Ai është i barabartë me stilistin Willie D. Burton si afrikano-amerikani i dytë më i nominuar për Oscar, me shtatë nominime secili.
Në vitin 2013, Jones u përfshi në Rock & Roll Hall of Fame si fitues, së bashku me Lou Adler, i çmimit Ahmet Ertegun.
Filmi zgjoi tregon për Fahrijen e cila është në kërkim të burrit të saj të humbur gjatë luftës në Kosovë. Ajo fillon një biznes bujqësor për ta siguruar mbijetësën e familjes së saj në një ambient tradicional patriarkal ku ambicia e saj për t’u zhvilluar nuk shihet me sy të mirë. Punët bujqësore fillojnë t’i ecin mbarë pos bletëve që janë shumë kaotike dhe agresive ndaj saj. Në rrugëtimin e saj për ta gjetur paqen me bletët, ajo fillon ta gjejë edhe paqen me veten për të jetuar në një situatë të re për të.
