Vaksina kundër Covid më në fund u prodhua dhe shumë personazhe të njohur si shqiptarë, ashtu dhe të huaj e kanë marrë atë dhe madje disa prej tyre kanë bërë thirrje për ndjekësit e tyre që të vaksinohen gjithashtu.
Vetëm para pak minutash, Arilena Ara ka njoftuar nëpërmjet një postimi në Instastory me një foto bardhë e zi, teksa shfaqet në ambientet e spitalit, këngëtarja me maskën e vendosur ka treguar se sapo është vaksinuar.
“Sapo u vaksinova”
Kujtojmë se, para pak ditësh dhe reperi Buta, i cili me anë të një postimi në Instagram u ka bërë apel ndjekësve të tij që ta marrin vaksinën sa më shpejt. Artisti shtoi se kjo gjë do të na ndihmojë që të mos izolohemi sërish duke qenë se këto ditë numri i rasteve është rritur shumë.
“Çohuni vaksinohuni se dëshirojnë të na mbyllin sërish.”
Ndërkohë, Arilena ka gati së fundmi bashkëpunimin me këngëtarin Gjon’s Tears, që mban titullin “Dance Me” . Videoklipi është xhiruar e tashmë ka ngelur vetëm të publikohet. Në fillim të muajit korrik, Arilena Ara njoftoi se ka gati albumin e parë të karrierës, ku ka shprehur nëpërmjet muzikës të gjitha ngjyrat që jetojnë brenda saj! Ai do të vijë nën titullin “POP ART” dhe të gjithë fansat e artistes të bëhen gati pasi albumi do të publikohet së shpejti!
