Tapeti i kuq i ceremonisë së Çmimeve “Grammy”, u parakalua dje nga të famshme që kishin veshur krijimet e stilistëve shqiptarë, nga Valdrin Sahiti e deri te Lia Stublla (lexo këtu).
Por një tjetër krijim i një stilisteje të njohur shqiptare në Amerikë, na paska shpëtuar dhe është koha t’i kushtojmë pak vëmendje!
Bëhet fjalë për stilisten Lirika Matoshi, e cila njihet për krijimet e veçanta dhe punimet me dorë që kanë tërhequr shpesh herë vëmendjen e të famshmëve.
https://www.instagram.com/p/B6RWtaEHQpM/
Tess Holliday, modelja dhe blogerja e njohur veshi një krijim të stilistes shqiptare dhe me krenari e publikoi foton në profilin e saj duke etiketuar Lirika Matoshin.
Fustani ngjyrë rozë më luleshtrydhe e tregonte atë si një ëmbëlsirë të vërtetë!
https://www.instagram.com/p/B71fPAZHsTg/
Lirika Matoshi nisi linjën e saj të aksesorëve të punuar me dorë në vitin 2016 në moshën 20 vjeçare, pasi u transferua në New York City.
https://www.instagram.com/p/B45AFZNH2ZR/
Krijimet e saj janë tepër speciale dhe mjafton të hysh në Instagram për të parë veshjet e saj të mahnitshme dhe tepër origjinale, që shpesh janë zgjedhur edhe nga të famshëm për t’u veshur, përmendim këtu Joey King dhe North West.
https://www.instagram.com/p/B6eMkXDHQie/
