Disney po bëhet gati për një vazhdim të filmit “Mbreti Luan”.
Barry Jenkins, regjisori i “Moonlight” dhe “If Beale Street Could Talk”, do të drejtojë shfaqjen e ardhshme bazuar në filmin klasik të adhuruar nga të rritur e fëmijë.
“Kam ndihmuar motrën time për të rritur dy djem gjatë viteve ’90, unë u rrita me këta personazhe”, tha Jenkins për rolin e ri.
Filmi do të jetë një vazhdim i xhirimit fotorealistik të vitit 2019 që gjeneroi mbi 1.5 miliardë dollarë botërisht.
Disney nuk ka njoftuar një datë për publikimin e filmit dhe duke pasur parasysh situatën me koronavirusin, është e paqartë se kur do të fillojë prodhimi për efektet speciale.
Burimet thonë se filmi i ri do të përqendrohet pjesërisht në vitet e para të Mufasa-s, babait të Simba, vdekja e të cilit i thyen zemrat e të gjithëve në filmin klasik.
Jeff Nathanson, i cili shkroi skenarin për filmin 2019, po kthehet për të shkruar edhe historinë e filmit të ri.
Aktorë të njohur bënë zërat e personazheve kryesore në filmin e vitit të kaluar, nga Donald Glover si Simba, Beyoncé Knowles-Carter si Nala, Billy Eichner dhe Seth Rogen dhe si Timon dhe Pumbaa dhe James Earl Jones si Mufasa.
Disney ende nuk ka njoftuar se kush, nga ky grup do të jetë pjesë e vazhdimit.
