Sophie Turner dhe Joe Jonas do të martohen këtë verë.
Këngëtari i hitit “Cake by The Ocean” dha lajmin e bukur, i ftuar në emisionin e James Corden.
“Ne do të martohemi këtë vit. Do të bëjmë një martesë verore”, tha 29-vjeçari.
“Unë mezi po pres të ndodhë. Do të jetë shumë qejf. Do të organizojmë një lojë regbi në dasmë dhe futboll. Pra, nëse të gjithë shoqëruesit e dhëndrit do të shfaqen me sy të nxirë dhe krahë të thyer, unë do të jem shumë krenar”, shtoi ai.
I pyetur në “Late Late Show” nëse ka mësuar ndonjë gjë nga martesa e vëllait Kevinit me Danielle në vitin 2009 dhe apo ajo e Nick me Priyanka Chopra në vitin 2018, Joe bëri shaka duke thënë:
“Kryesisht gjëra që nuk duhet të bëjmë. Bëj shaka. Ata të dy ishin absolutisht të bukur. Të 18-të dasmat e Nick ishin mahnitëse”.
Në fund të vitit të kaluar, mediat raportuan se çifti do të shkëmbejë unazat në një kishë në Francë.
Trioja e famshme e vëllezërve e përbërë nga Nick Jonas, 26 vjeç, Joe Jonas, 29 vjeç dhe Kevin Jonas, 31 – kanë publikuar hitin më të ri të titulluar “Sucker”.
Ata janë rikthyer pas 6 vitesh mungesë në tregun muzikor, pasi kishin vijuar karrierën solo gjatë kësaj periudhe.
