Naomi Watts dhe Liev Schreiber janë ndarë pas 11 vitesh së bashku, konfirmon “People”.
“Gjatë muajve të fundit ne kemi ardhur në përfundim se mënyra më e mirë për të ecur përpara si familje është që të ndahemi si çift”, tha Schreiber dhe Watts në një deklaratë të përbashkët për “People”.
“Me shumë dashuri, respekt dhe miqësi në zemrat tona ne shikojmë përpara për të rritur fëmijët tanë së bashku dhe për të eksploruar këtë fazë të re të marrëdhënieve tona. Ndërsa e vlerësojmë kureshtjen dhe mbështetjen tuaj, ne i kërkojmë medias të jenë të ndërgjegjshëm për fëmijët tanë dhe të respektojnë të drejtën e tyre për intimitet”, vazhdon deklarata.
Një burim në kastin e një prej filmave, ku luan Schreiber tha për revistën “People”: “Ata kanë qenë të lëkundur për një kohë të gjatë”.
Ish-çifti kanë dy fëmijë Alexander (Sasha) Pete Schreiber, 8 vjeç dhe Samuel Kai Schreiber, 7 vjeç.
Ata u panë së bashku për herë të fundit në Festivalin Ndërkombëtar të Filmit në Toronto, ku ishin në qytet për të promovuar filmin e tyre të ri “The Bleeder”. Schreiber dhe Watts shijuan pjesëmarrjen e tyre në festival, duke publikuar secili foto të lumtura në rrjetet sociale.
Watts, 47 vjeç dhe Schreiber, 48 vjeç, u takuan në ballon e përvitshme në Muzeun Metropolitan të Artit në vitin 2005 dhe menjëherë u lidhën.
“Kemi folur në telefon për disa javë dhe e-mail. Dhe më pas unë gjeta disa justifikim për të ardhur në New York dhe pjesa tjetër është histori”, tha Watts në atë kohë.
Çifti shpesh shijonin kohën me familjen bashkë në shtëpinë e tyre në Nju-Jork, ata madje edhe udhëtuan për në Australi për të kaluar pushimet me familjen e saj. Por martesa e tyre gjithmonë ka lindur dyshime
Në vitin 2012-n, Watts tha për revistën “Easy Living” se martesa thjesht nuk ishte një prioritet i lartë për çiftin: “Ne jemi bashkë. Ne thjesht nuk e kemi atë certifikatë dhe kjo është në rregull për ne të dy. Ndoshta një ditë, do të zgjohemi dhe të shkojmë “Hej, le ta bëjmë këtë”. Ose ndoshta jo”.
Watts dhe Schreiber janë shfaqur në disa filma së bashku gjatë viteve, duke përfshirë edhe “The Painted Veil” në vitin 2006 dhe “Movie 43” në vitin 2013.
Burimi: People
