Teksa Roma po përpiqet të përshtatet me jetën e re, pas bllokimit nga koronavirusi, një tërmet raportohet se ka goditur kryeqytetin e Italisë, mëngjesin e kësaj të hëne.
Tërmeti ka qenë me magintudë 3.3 e shkallës rihter. Lëkundjet janë ndjerë në orën 5:03 të mëngjesit, ndërkohë që mësohet se epiqendra ka qenë në Fonte Nuova, një qytet i vogël rreth 10 milje larg kryeqytetit.
Deri më tani nuk raportohet për lëndime apo dëme materiale, ndërsa zjarrfikësit rrëfejnë se njerëz të shumtë u dyndën rrugëve të tronditur.
Banorët raportuan se kishin dëgjuar një zhurmë të thellë për rreth 30 sekonda para se të fillonte lëkundja, duke shkaktuar panik.
“Kishim frikë”, tha një dëshmitar anonim. “Ky është një moment i vështirë. Me tëmetin që ra s’do jemi më në gjendje të flemë”.
