Në pritje të sezonit të shtatë të serialit shumë të ndjekur “Game of Thrones”, një detaj mjaft mbresëlënës po qarkullon në media. Bëhet fjalë për sezonin që lamë pas, në episodet e së cilit shfaqet një djalosh që mban mbiemrin shqiptar Elezi.
INtv shkruan se në episodim me titull “The Door”, shfaqet personazhi Benjen Stark (i vogël). Djaloshi aktor që luan këtë rol e ka emrin Matteo Elezi. Nga kërkimet nuk rezultoi asnjë e dhënë mbi prejardhjen e tij, përveç faktit se jeton në Londër dhe ka dy vëllezër të tjerë, edhe ata aktorë të vegjël në moshë.
Por duke studiuar pak mbiemrin Elezi mësohet se ky mbiemër gjendet në masë të madhe vetëm në Shqipëri, Kosovë dhe Maqedoni, ku Shqipëria mban vendin e parë. Në masë shumë më të ulët në vende të tjera si edhe Anglia në këtë rast, vend në të cilin shqiptarët kanë emigruar. Pra, siguria nuk është totale por gjasat janë shumë të mëdha që aktori i vogël të ketë origjinë shqiptare.
