Ai mund të jetë një emër jo shumë i njohur në Shqipëri, të paktën edhe për pak kohë, pasi Erand Hoxha është shqiptari i parë që luan në filmin aksion më të ndjekur në gjithë botën “Fast and Furious”.
30-vjeçari plotë ambicie, nga Tirana të cilit mësohet se i është besuar nga regjisori roli ‘negativ’ i një garuesi, në garat e shpejtësisë që do të zhvillohen gjatë filmit.
Xhirimet e kësaj pjese janë bërë në Reykjahlio të Islandës, në liqenin e ngrirë siç shihet edhe nga fotot. Në këtë intervistë ekskluzive për Opinion.al ai tregon mënyrën sesi arriti të futet në kontakt me regjisorët e filmit, marrëdhëniet me aktorët e tjerë dhe për projektet e ardhshme.
Cili është roli juaj në filmin “Fast and Furious 8”, a mund të na jepni ndonjë detaj mbi karakterin e rolit?
Atëherë aty kam rolin e personazhit negativ të një rebeli me forcat ruse, të cilët ne duam ti kapim e ti vrasim, pra jemi në ndjekje të personazheve kryesore, me pak fjalë vetëm aksion me armë nuk është se kam dialog në film.
Si arrite të kontaktoje me regjisorët e filmit dhe si ndihesh që u bëre pjesë “Fast and Furious”?
Te filmat e huaj kam arritur vetë të shkoj pa ndihmën e askujt, nëpërmjet platformës imdbpro, ku te dalin gjithë filmat që kërkojnë personazhe aktor që u përshtaten karaktereve të filmit dhe aty ke mundësi të aplikosh vet, pa ndihmën e askujt, një nga këto aplikimet ka qenë dhe filmi “Fast and Furios” i cili i shpalli audicionet në shkurt të 2016.
Pas aplikimit që bëra nuk është se pata ndonjë shpresë se do përzgjidhesha, por ndodhi ajo që nuk e mendoja kurrë, me vjen një email nga Christopher Gray i cili është marrë me kastin e filmit “Fast and Furios”. Atij ja di për faleminderit që më përzgjodhi, në atë rol , i cili është i vogël por i madh për mua. U çudita kur pashë që më kishte shkruar: “We love your look and can’t wait to see what you can do with this character”.
Në çfarë date do të mbahet premiera e parë e “Fast and Furios 8”?
Premiera zyrtare në gjithë vendet është në datën 14 prill.
Cili është raporti juaja me aktoret e filmit?
Raportet me aktoret e tjerë nuk është se i kam pasur të ngushta, por me të gjithë aty kisha kontakte, në përgjithësi të gjithë janë shumë funny, shumë të mirë.
Kush janë projektet e tua në të ardhmen?
Është një film anglo-shqiptarë “Elvis Walks Home, me regji të Johnatan Pearce dhe Fatmir Koçit. Këtu flitet për luftërat angleze që janë bërë në Serbi-Kosovë-Shqipëri, ku pjesë e pushtimit jam dhe unë, grabisim shtëpitë mbas luftës, rrëmbehen fëmijët dhe u shiten organet etj, pak a shumë ky është roli. Premiera zyrtare është në tetor. Dmth është film që ka dramë, luftë dhe është një nga më të bukurit për mua.
