Tirana do të presë sot në orën 21:00 finalen e madhe të Conference Leauge e cila do mbahet në stadiumin “AIR Albania” mes Romës dhe Feyenoord.
Ashtu siç pritej kjo është pasuar me dyndje tifozësh në rrugët e kryeqytetit. Tifozët nga të dyja skuadrat kanë vërshuar në rrugët e Tiranës ndërsa ato nga vendi jonë fqinj, Italia, kanë zbarkuar në portin e Durrësit. Ata janë tepër entuiziastë për ndeshjen që do zhvillohet vetëm pas pak orësh. Një nga tifozët është pyetur nëse do qëndronte në Tiranë nëss gjente ndonjë vajzë të mirë ai nuk ka hezituar të shprehë që kjo është një mundësi mjaft e mirë.
“Unë mendoj se do të fitojmë, është hera e parë që vijmë në Shqipëri, kemi ardhur me një grup shoqëror. Jam gati për festë dhe nëse do të fitojmë ndeshjen do bëjmë 3 ditë party. Ne do të fitojmë, jam i sigurt. Nëse do të gjeja një vajzë të mirë, do të rrija në Shqipëri, pse jo”-u shpreh ai.
Ndërkohë nga ana tjetër tifozët Hollandezë ditën e djeshme kanë kthyer përmbys gjithë kryeqytetin.
E gjitha ka nisur me një incident në qendër të Tiranës ku disa tifozë holandezë dhe italianë kanë rrahur një qytetar shqiptar. Ky I fundit ka përfunduar në spital për shkak të plagëve të shumta.
Në të gjithë kryeqytetin ka patur përplasje të forta mes policisë dhe tofizëve holandezë, raportohen biznese të shkatërruara, efektivë të lënduar, si dhe tifozë të arrestuar.
