Ndodhia e bërë publike në mediat e huaja në lidhje me Princin Andrew ka tronditur familjen mbretërore.
Një grua ka pretenduar se është përdorur për qëllime seksuale dhe ka ngritur padi në gjykatë ndaj djalit të mbretëreshës Elizabeth, princit Andrew.
Ndonëse Mbretëresha Elizabeth ka paguar avokatët më të mirë në SHBA me qëllim që 61-vjeçari të dalë i padëmtuar nga padia e ngritur kundër tij nga Virginia Robert Jeff, një tjetër anëtar i familjes mbretërore është kundër tij.
Kujtojmë se Virginia Giuffre ka akuzuar princin britanik se ka abuzuar me të rreth dy dekada më parë, kur ajo ishte nën moshën 18-vjeçare në padinë e dorëzuar në një gjykatë të Manhatan-it.
Ajo ka pretenduar se princi Andrew e ka detyruar të kryejë marrëdhënie seksuale kundër vullnetit të saj, në shtëpinë e bashkëpunëtores së Epstein, Ghislaine Maxwell, në Londër.
Më parë, gruaja ka rrëfyer se Epstein e mbante atë si skllave seksi me ndihmën e bashkëpunëtores së tij Maxwell.
Princi Andrew mohon kategorikisht akuzat e bëra kundër tij dhe thotë se nuk i kujtohet që ta ketë takuar ndonjëherë.
Nga ana tjetër, Princi William e konsideron xhaxhain e tij një “kërcënim” për familjen mbretërore.
“William nuk e pëlqen xhaxhain e tij, Andrew,” tha një mik i Dukës së Kembrixhit për “Sunday Times”.
Ndërkohë një burim i pallatit i tha të njëjtës gazetë se 39-vjeçari William e përshkroi xhaxhain e tij si “rrezik” dhe “kërcënim” ndaj familjes mbretërore.
