Së fundmi, në mediat e huaja kanë qarkullur lajme për një romancë të re të këngëtares Selena Gomez me lojtarin e NBA, Jimmy Butler.
Aludimet nisën pasi 28-vjeçarja dhe 31-vjeçari u panë duke darkuar në shoqërinë e njëri-tjetrit.
“Selena Gomez është me Jimmy Butler në Lucien. Duket si një takim. 100% e sigurt se ata ishin atje së bashku, por nuk mund të flas nëse ishte vërtet një takim, por ata ishin së bashku”- ka treguar një burim për mediat e huaja.
Pas disa kohësh single, duket se këngëtarja po i jep një shans njohjeje të reja, pas eksperiencës aspak të mirë që kaloi me Justin Bieber.
Megjithëse ky i fundit dhe partnerja e tij Hailey po bëjnë më shumë se një vit që kanë kurorëzuar me martesë dashurinë e tyre, Selena vazhdon të komentohet për lidhjen e saj me Justin dhe ndjekësit vazhdojnë ta krahasojnë me Hailey-n.
Përveç Bieber, këngëtarja ka pasur histori dashurie edhe me The Weeknd për gati një vit para se të ndahej në vitin 2017, dhe më pas u lidh shkurtimisht me Niall Horan në vitin 2019.
