Kylie Jenner është një kameleon, duke ndryshuar shpesh pamjen e saj, me modelet e flokëve apo makijazhin.
Ajo ka një impakt shumë të madh në konceptin e bukurisë në ditët e sotme, veçanërisht për brezin e ri.
Për të shënuar karrierën e saj në fushën e bukurisë, ajo dhe revista “Dazed” vijnë me një bashkëpunim në të cilat makijazhi i është bërë nga një robot dhe imazhet janë disi të frikshme.
“Beauty_GAN”, e cila është një lloj algoritmi i inteligjencës artificiale që përdor të mësuarit e makinerisë për të prodhuar imazhe, pa rreth 17.000 foto në Instagram, për të kuptuar se çfarë quan tërheqëse shoqëria jonë.
Më pas roboti përdori informacionin e marrë për të rregulluar flokët dhe për t’i bërë makijazhin Kylie-t. Vetëm se imazhet në fakt janë të çuditshme dhe 21-vjeçarja nuk njihet fare.
Drejtuesi i robotit, Lukas Rudig, tha:
“Ajo që makineria i bën Kylie-t është t’i lyejë fytyrën në mënyrën sesi mendon se do të duket bukur në një ‘selfie’. Është një metaforë, Beauty_GAN është si një pasqyrë e kulturës popullore, por reflektimi nuk mund të jetë ajo që prisni. Ne mësojmë një makineri që të na shohë dhe ajo që na tregon mbrapsht, nuk është gjithmonë ajo sesi ne e shohim veten”.
Burimi: Elle
