Agron Llakaj ka zbuluar disa javë më parë se ai dhe bashkëshortja e tij, Konstandina, kanë fituar betejën me Covid-19. Ai ka rrëfyer se për 20 ditë ata kanë qenë të infektuar dhe tashmë kanë marrë përgjigjen se janë “negativ”. Llakaj ka shkruar në rrjetet spociale se beteja me Covid-19 për ta ka qenë relativisht e moderuar dhe se ja dolën falë kujdesit të jashtëzakonshëm të vajzës së tyre, Alikdës.
“Te dashur miq! Me ne fund, pas nje beteje relativisht te moderuar me Covid 19, pas rreth 20 ditesh, ime shoqe Kostandina dhe une morem pergjigjen ‘negativ’ te tamponit. Ne ja dolem, me qetesi dhe pa panik… ne mbeshtetje te njeri tjetrit por me kujdesin absolut dhe te vajzes tone Alkida, qe nuk mori parasysh rriskun per vete por na sherbeu deri ne momentin e kapercimit te situates. ‘Kush ka vajza, boten ka’ thote kenga.”, ka shkruar Llakaj në postimin e tij.
Së fundmi Llakaj ka qenë i ftuar në emisionin “Rrugëtim me Anilën”, ku ka rrëfyer më shumë rreth kësaj periudhe të vështirë.
“I rrëmbyer nga puna isha më i pakujdesshmi në kuptimin e vlerësimit të kësaj situate. Në ditën e tretë të simptomave ne bëmë tamponin dhe dolëm pozitiv, sa po ktheheshim nga stërvitja 11 km ecje, pra ishim energjikë”, është shprehur Llakaj.
Më tej ai u shpreh se një qytetar i thjeshtë mund të kishte mundësitë që iu ofruan atij në këtë luftë me virusin.
“Natyrisht unë shpreha mirënjohjen për gjithë ekipin dua t’i themi gjërat siç janë. Nuk mendoj se një qytetar i thjeshtë mund të kishte mundësitë që m’u ofruan mua. Tani dhe këtë duhet ta bëjmë diferencën, ndaj dhe thashë shyqyr që kemi shok dhe miq. Ky është privilegj. Pozicioni i një artisti, emri, njohja”.
Tashmë ai është rikthyer në dy emisionet e tij, Al Pazar dhe Fake Off me shumë dëshirë dhe pasion, teksa u ka bërë thirrje të gjithëve që të mbajnë maskën, të ruajnë distancimin, për ta kaluar sa më shpejt këtë situatë.
