Megjithëse është “e mbytur” me punë e projekte, moderatorja Luana Vjollca e gjen gjithmonë kohën t’i përkushtohet pasionit të saj, muzikës.
Përveç emisionit argëtues “Shiko Kush Luan” që na shoqëron çdo të shtunë, Luana ka menduar edhe për një projekt të ri, të cilin po e punon me shpirt.
Në llogarinë e saj në Instagram, moderatorja ka zbuluar surprizën të cilën deri tani e kishte mbajtur të fshehtë.
Luana po sjell një këngë të re, vijën melodike të së cilës e ka shkruar vetë për herë të parë.
Luana ka postuar foto e video nga studioja në Prishtinë, ku punon gjithmonë për projektet e saj muzikore.
Ajo ende nuk e ka zbuluar cilit zhaner i përket kënga e saj e re, ndërkohë që ka pyetur ndjekësit në Instagram.
“Kenge nga shpirti… ???
Cfare zhanri mendoni?”- ka shkruar Luana, e cila na bëri tepër kuriozë për këtë projekt, që për të është shumë i veçantë.
