Kina do të jetë e para edhe në teknologji. Kompania teknologjike kineze ‘Alibaba’ ka paralajmëruar se ka në plan të zhvillojë programin e vet të inteligjencës artificiale të quajtur Tongyi Qianwen, raporton CNN.
Ekipi i informatikës janë shprehur se programi i chatit do të integrohet në të gjitha sektorët e biznesit të kompanisë të ardhmën e afërt. Kujtojmë se gjatë vitit kompania kishtë lajmëruar që po punon në krijimin e një rivali të Chat GPT, veglës softuerike të Inteligjencës Artificiale të kompanisë amerikane, Open Ai.
‘Tongyi Qianwen’ përkthehet si “Një përgjigje për 1000 pyetje”. Drejtori i Alibaba Daniel Zhang tha: Ne jemi në një moment ku vërshohemi nga inteligjenca artificiale dhe informatika e avancuar”
Tongyi Qianwen do të mund të përdoret edhe në gjuhën angleze përveç asaj kineze. Fillimisht ajo do të futet në DingTalk, që është platforma e shkëmbimit të mesazheve brenda kompanisë për t’u bërë publik për tregun e gjerë.
Debutimi vjen pas atij të Baidu (BIDU) , i cili lançoi shërbimin e vet të stilit ChatGPT muajin e kaluar. Gjatë një prezantimi të ngjashëm, Baidu (BIDU) tregoi sesi chatbot-i i tij, i quajtur ERNIE, mund të gjeneronte një buletin të kompanisë, të dilte me një slogan të korporatës dhe të zgjidhte një enigmë matematikore.
