Shfaqja e Victoria’s Secret ka qenë e mbushur me polemika këtë vit, pas raportimeve se disa modele janë mohuar të hyjnë në Kinë ku shfaqja u zhvillua, dhe vendasit e zemëruar që protestonin për këtë ngjarje.
Megjithatë, Bella Hadid, Alessandra Ambrosio, Romee Strijd dhe Candice Swanepoel u siguruan që gjithçka të shkojë mirë gjatë një prej momenteve më të mëdha të modës të vitit, pasi udhëhoqën engjëjt në sfilatën e 22-të vjetore të mbajtur në Mercedes-Benz Arena në Shangai të hënën.
Me trupat e tyre për t’u patur zili dhe disa të brendshme femrash fantastike që natyrisht i kombinonin me krahët e tyrë të famshëm të engjëjve, supermodelet dhuruan një show mahnitës nën tingujt e muzikës së Harry Styles, Miguel, Jane Zhang dhe Leslie Odom Jr.
Bella Hadid 21 vjeç, hapi sfilatën këtë vit. Pavarësisht se ishte pa motrën e saj, Gigi, të cilën e ndaluan të hyjë në Kinë – Bella dukej mjaft në humor, e buzëqeshur dhe mjaft sensacionale me një palë të brendshme të zeza dhe një palë bojëqielli në daljen e dytë.
I bujshëm ishte rikthimi i Candice Swanepoel, modelja 29-vjeçare që u bë nënë një vit më parë dhe dukej më seksi se kurrë.
Modelja më e vjetër por jo më pak seksi, Adriana Lima shkëlqeu jo me një, por dy veshje në pistën e Victoria Fashion Show. Braziliania 36-vjeçare dukej mjaft seksi me një palë të brendshme të zeza dhe një palë çizme në po të njëjtën ngjyrë.
Alessandra Ambrosio ishte gjithashtu prezente. Ajo kishte veshur një palë të brendshme të kuqe dhe rrezatonte teksa udhëhiqte modelet: Lily Aldridge, Elsa Hosk, Josephine Skriver, Stella Maxwell, Martha Hunt, Liu Wen dhe Ming Xi.
Angel Romee Strijd u sigurua që t’i kthenin të gjithë sytë nga ajo teksa vallëzonte me një pëlhyrë ngjyrë kremi që e bënte të dukej si një engjëll.
Sigurisht nuk mund të mungonte vajza e artë, Lais Ribeiro – e cila mbante veshur reçipetat 2 milionë dollarë.
27-vjeçarja braziliane rrëmbeu vëmendjen me gurët e shndritshëm që kishin reçipetat dhe trupin elegant që të gjitha e kemi zili. Ajo u sigurua që të mos i fshihte strijat, që e bënin edhe më natyrale.
Ming Xi pësoi një aksident të vogël pasi rrëshqiti dhe ra në gjunjë, por e kaloi duke qeshur.
Karlie Klos dukej thjesht e mahnitshme më disa krahë të lulëzuar.
