Një pastor në një emision dashurie! Puntatës së sotme të “Për’puthen Prime” i është bashkuar edhe pastor Akil Pano, i cili në hyrje të saj foli rreth përshtypjeve të tij të deritanishme lidhur me vajzat dhe djemtë.
“Vajzat dhe djemtë janë shumë të mirë, vajzat i shoh të veshura si princesha, por në sjellje jo gjithnjë kam parë sjelljen e nje princeshe”, deklaroi Pano.
Më tej ai u ndal te djemtë, duke u dhënë një këshillë:
“Të rinjtë tani i duan gjërat në moment, e kanë të vështirë të presin, nuk kanë durim. Ka ndikim edhe fama në rrjetet sociale. Po ashtu u them dhe djemve se fisnikëria e bën mashkullin më të mirë. Fakti që jeni kthyer në modele, ju bën përgjegjës”.
Më tej, përgjatë bisedës u cek çështja e “Për’puthen 40”, ku beqarë, të ve apo të divorcuar, mbi moshën 40-vjeçare do të jenë pjesë e një tjetër emisioni, çka duket se mori pëlqimin e pastorit, i cili argumentoi që jeta është tepër e gjatë për të vazhduar një rrugëtim të vështirë, krejt i vetëm.
Ashtu siç u bë me dije, puntata në fjalë është regjistruar para skandalit të publikimit të fotografive Tea-Beart, të cilat zbuluan lidhjen e fshehtë mes tyre.
