Tani mund të rrimë të qetë, Leo fitoi! Leonardo DiCaprio fitoi më në fund “Oscar”-in e tij të parë si “Aktroi më i mirë protagonist”, pas katër nominimesh. Në fakt kjo ishte një ngjarje historike jo vetëm për aktorin por për të gjithë mbështetësit e tij. Filmi që i solli këtë fitore ishte “The Revenant”, regjisori i të cilit fitoi gjithashtu çmim.
Ai e përdori fjalimin e tij për të falënderuar industrinë e filmit dhe miqtë, ndërsa më pas bëri një apel pasionant për të shpëtuar planetin.
“Unë i uroj të gjithë ata që konkurruan përballë meje në këtë çmim. Filmi është një produkt i një ekipi të tërë. Falënderoj talentin e Tom Hardy, i cili më tregoi sesi tejkalohet talenti nëpërmjet shoqërisë. Falënderoj regjisorin e filmit Inarritu që ka bërë mrekulli me këtë film dhe në fund Martin Scorcese që më ka mësuar kaq shumë”, tha Leo.
Ndërsa më pas aktori 42-vjeçari bëri apel për mbrojtjen e mjedisit, i cili po rrezikohet nga ngrohja globale.
“The Revenant” është një film për marrëdhënien e njeriut me botën e natyrës. Bota që ne ndjemë në 2015-n ishte viti më i nxehtë i raportuar në histori. Ekipi jonë u desh që të lëvizte në majën më jugore të këtij planeti për të gjetur dëborë. Ndryshimi klimatik është i vërtetë. Po ndodh tani! Është kërcënimi më urgjent që po përballon i gjithë njerëzimi dhe ne duhet të punojmë të gjithë bashkë dhe të ndalojmë avancimin. Ne duhet të mbështesim liderët nëpër botë, që nuk flasin për ndotësit ose korporatat e mëdha, por që flasin për të gjithë njerëzimin, për njerëzit intigjentë në botë, për miliarda njerëz të paprivilegjuar, që do të ndikohen më shumë nga kjo. Për fëmijët e fëmijëve tanë dhe për ata njerëz që zëri i tyre është mbytur nga politika e babëzisë. Unë ju falënderoj të gjithëve për këtë çmim sonte. Të mos e marrim këtë planet të mirëqenë, unë nuk e marrë këtë natë të mirëqenë”, përfundoi fjalën e tij aktori.
Ndërsa ajo që përloti fansat ishte reagimi i mikeshës së tij më të mirë Kate Winslet. Mimika e Kate, e cila përlotur nga gëzimi, por njëkohësisht e prekur nga fjalimi i mikut të saj i emocionoi të gjithë. Leo dhe Kate kanë një miqësi që daton
Vite më parë, ndërsa gjithmonë ka treguar se midis tyre nuk ka patur dhe nuk do të ketë asgjë më shumë se sa miqësia.
Burimi: Cosmopolitan
