Policia e ka një emër për personin që ka hedhur spraj piperi duke shkaktuar helmimin e nxënësve në Fier.
Ai dyshohet të jetë nxënësi me inicialet A.D, i cili kur është pyetur për ngjarjen ka deklaruar se e ka bërë për shaka.
Pas helmimit javën e kaluar, nxënësi problematik dyshohet se ka bërë edhe sot të njëjtën gjë, duke çuar në spital 30 nxënës për shkak të helmimit.
Prokuroria e Fierit është ende në hetim për të mësuar shkaqet e veprimit të nxënësit me inicialet A.D.
Sipas policisë, spraji i përdorur nga nxënësi përgjithësisht përdoret nga forcat e rendit kundër tubimeve të dhunshme.
Në një deklaratë pak më parë, njëri prej nxënësve të gjimnazit tregoi se shkolla ishte njoftuar për një alarm fals, pasi po bëhej një testim për të parë se si do të reagonin nxënësit në situata emergjente.
