Në një bisedë me Albana Osmanin dhe Olti Currin, Ervini, banori i cili u largua të shtunën, ka bërë një deklaratë mjaft të rëndë kundër produksionit.
Në monitor është shfaqur një klip ku Damiano i kërkon Sidritës të flenë bashkë dhe pasi kanë sqaruar këtë, Ervini ka theksuar se Damiano është një lodër e “Big Brother”. Më tej ai shton:
“Nuk zgjedhin votuesit, është produksioni ai që vendos kush do të dalë nga shtëpia dhe kush do të qëndrojë”.
Albana e ka kundërshtuar këtë opinion të tijin, të pabazuar në fakte duke i thënë “Ti je i nxituar, prandaj edhe ke dalë nga shtëpia”.
Por Ervini vazhdon të mbajë të njëjtin qëndrim dhe pohon se nuk është aspak i kënaqur nga produksioni pasi edhe ditëlindjen e kaloi në burg, gjë që sipas tij nuk e meritonte.
