Një mama nga Philadelphia ka lindur atë që tashmë quhet “Bebi i Teslës”. Fëmija ka ardhur në jetë brenda makinës “Tesla”, ndërkohë që po drejtohej në mënyrë autopilote.
Gruaja në fjalë, Yiran Sherry ndodhej brenda bashkë me të shoqin dhe djalin 3-vjeçar të cilin po e dërgonin në kopësht.
Pasi kishin ngecur në trafik, papritur asaj do t’i shpërthenin ujërat. Me kontraktimet që rriteshin me shpejtësi dhe me trafikun që mezi lëvizte, çifti e kuptoi se nuk do t’ia dilnin dot në kohë.
Keating Sherry e vendosi automjetin në autopilot pasi vendosi sistemin e navigimit në spital, 20 minuta larg.
Ai tha se vuri njërën dorë në timonin e makinës, ndërsa kujdesej për gruan e tij.
“Ajo po më shtrëngonte dorën deri në pikën ku mendova se do ta copëtonte atë”, tha Keating Sherry, bashkëshorti i Yiran për “Inquirer”. “Po thoja: ‘Yiran, OK, fokusohu në frymëmarrjen tënde.’ Kjo ishte këshillë edhe për veten time. Adrenalina ime po rritej.”
Yiran Sherry tha se vendimi nëse do të përpiqeshin të prisnin për të lindur derisa të arrinin në spital ishte një vendim i mundimshëm. Megjithatë, tha ajo, ajo vazhdoi të shikonte kohën e parashikuar të mbërritjes së tyre dhe pa se mezi po lëvizte.
Ajo lindi vajzën e saj teksa mbërritën në spital, duke pëshpëritur: “Oh, Zot, Keating. Ajo ka lindur!”
Infermieret prenë kordonin e kërthizës së foshnjës mbi sediljen e përparme të makinës.
“Sapo pediatri tha: ‘Ajo është e shëndetshme, urime’, u lehtësova menjëherë”-shprehet Sherry.
