Michelle Obama iu bashkua bashkëshortit të saj Barack Obama për të mirëpritur në Shtëpinë e Bardhë Melania dhe Donald Trump, herët këtë mëngjes.
Zonja e Parë kishte veshur një fustan të shkurtër ngjyrë gështenjë teksa ajo dhe presidenti i 44-t dolën jashtë për të përshëndetur familjen e re presidenciale.
Michelle, 53 vjeç, mirëpriti ngrohtësisht pasardhësen e saj, 46 vjeç, duke i vendosur një krah rreth belit për ta përqafuar dhe duke qeshur për kamerat.
Melanie kishte veshur një pallto bojëqielli kashmiri Ralph Lauren, ngjyra e së cilës thyhej nga kravata e kuqe e Donald. Ajo gjithashtu kishte veshur doreza kamoshi Ralph Lauren.
Presidenti i zgjedhur i Shteteve të Bashkuara, Donald Trump ndodhet në Capitol Hill për të bërë betimin.
Të pranishëm në ceremoninë madhështore janë edhe presidentë të Shteteve të Bashkuara ndër vite si George W. Bush, Bill Clinton, etj.
Ndërkohë, qytetarët amerikanë që kanë zgjedhur të përshëndesin presidentin e ri llogaritet të jenë rreth 800 mijë.
*Shfleto galerinë
