Partia Demokratike humbi ditën e sotme një anëtar të rëndësishëm të saj. Mësohet se ish-deputeti i Qarkut të Dibrës, Idriz Xhomara, u nda nga jeta në moshën 68-vjeçare, si pasojë e një sëmundjeje të papritur.
Lajmin e trishtë e bëri të ditur deputetja e PD-së, Dhuara Çupi. Në një status në Facebook ajo ka shprehur trishtimin për ndarjen nga jeta të Xhomarës.
“Një ikje e parakohshme, një largim që lë pas shumë dhimbje, por edhe vlera. Sot mora lajmin e hidhur të ndarjes së parakohshme nga jeta të ish-deputetit Idriz Xhomara, i cili lë pas një kontribut të jashtëzakonshëm për zhvillimin e demokratizimin e Matit. Deputeti i përballjeve të drejtpërdrejta dhe i guximit, Idriz Xhomara, sot nuk është më mes nesh, pasi një sëmundje e papritur i mori jetën në moshën 68-vjeçare. Përcjell ngushëllimet e mia familjarëve, gruas dhe fëmijëve për këtë humbje . Zoti u dhëntë forcë për ta përballuar. Me ndarjen nga jeta të Idriz Xhomarës PD Mat humbi njeriun e vlerave të patjetërsueshme por që na lë detyrën për t’i vijuar”, shkruan Çupi.
