Për të gjithë ata që presin me padurim një tjetër hit nga Era Istrefi, kemi një lajm të mirë. Ka qenë vetë kompania që menaxhon Erën, që ka njoftuar se së shpejti do të vijë një këngë e re.
Tashmë po bëhet gati një vit që nga lançimi i “Bon Bon-it” dhe fansat e Erës mesa duket po lodhen. Nëpër komente ata pyesin vazhdimisht kur do dalë kënga e re dhe për këtë, kompania Ultra Music ka shuar kuriozitetin nëpërmjet një postimi në Instagram:
“Mos u mërzisni fansa të Erës. Ne ju dëgjojmë. Kënga e re do dalë shumë shpejt”.
Ndërkohë, vetë këngëtarja kishte paralajmëruar se kënga e re do dilte në muajin tetor. Mezi po presim ta dëgjojmë.
