Edhe pse Lady Gaga dhe Taylor Kinney përfunduan lidhjen e tyre 5-vjeçare në korrik, duket se asnjëri prej tyre nuk mund të rrinë dot larg njëri-tjetrit.
“Taylor shpreson që ata të kthehen sërish bashkë. Ka absolutisht sërish një shans që ata të bashkohen sërish”, tha një burim për “Us Weekly”.
Gjithashtu raportohet se asistentët e Gaga-s kanë lëvizur gjërat e saj nga apartamenti i Kinney-t në Çikago, por këngëtarja e mbajti unazën e saj të fejesës Lorraine Schwartz, të dhënë prej tij në ditën e Shën Valentinit në 2015-n.
Pasi u takuan gjatë xhirimeve të videoklipit të Gaga-s “You and I”, në 2011-n, ajo dhe Kinney u lidhën për gati katër vite para se ai t’i bënte pyetjen e shumëpritur. Pas ndarjes së tyre, Gaga shkroi në “Instagram”: “Taylor dhe unë kemi besuar gjithmonë se jemi shpirtra binjakë. Si të gjitha çiftet, edhe ne kemi ulje-ngritjet tona dhe kjo periudhë ka qenë e tillë, kemi vendosur të bëjmë një pushim. Ne të dy jemi artistë ambiciozë, puna në distancë dhe axhenda e komplikuar e kanë bërë të vështirë mbajtjen gjallë të dashurisë që kemi për njëri-tjetrin. Jemi si gjithë të tjerët dhe e duam shumë njëri-tjetrin”.
Sipas “Us Weekly”, familjet e çiftit po e kalojnë keq këtë periudhë: “Të dy familjet e tyre janë të mërzitur. Dhe kolegët e tij i thonë se i mungon ajo. Të gjithë shpresojnë që ata të kthehen bashkë”. Edhe ne po ashtu!
Burimi: Harper’s Bazaar
