Të martën më 5 gusht në kryeqytetin libanez, Bejrut, ndodhi një shpërthim i fuqishëm, dhe shkak është bërë 2,750 ton nitrat amoniumi që ishin ruajtur në një mënyrë të pasigurtë në një depo për plot gjashtë vite.
Deri më tani raportohet për 157 viktima, mbi 5 mijë të plagosur dhe mbi 300,000 të pastrehë, ndërkohë nën rrënoja ndodhen edhe shumë persona të tjerë.
Presidenti i Libanit, Michel Aoun ka bërë me dije se zyrtarët e portit tashmë janë në arrest shtëpie, ndërsa vijojnë hetimet për ngjarjen.
Gjatë këtyre ditëve histori prekëse të viktimave dhe të të plagosurve në Bejrut kanë pushtuar titujt e mediave botërore dhe i fundit është rasti i një të reje që punonte si infermiere me forcat emergjente, 24-vjeçarja Sahar Fares.
Ajo ishte pjesë e ekipit të zjarrfikësve që humbën jetën, pasi shkuan për t’u ardhur në ndihmë të lënduarve.
Fatkeqësisht Sahrah ndërroi jetë në tragjedinë e 5 gushtit, teksa do martohej në qershor të vitit 2021.
Ajo u shoqërua për në banesën e fundit duke ndjekur traditat e dasmës, me muzikantë që luanin tinguj ritmike, teksa i fejuari i saj, Gilbert Karaan, mbante mbi supe arkivolin me trupin e pa jetë të së dashurës.
“Gjithçka që dëshirove do të bëhet, por vetëm ti nuk do të jesh me vello të bardhë. Ma ke thyer zemrën, dashuria ime. Jeta nuk ka më shije për mua që kur ke ikur ti.”- ka shkruar në rrjetet sociale i fejuari i viktimës para ceremonisë.
Ai ka treguar se kanë qenë duke folur në telefon së bashku para se ajo të ndërronte jetë dhe Sahrah po i tregonte gjithçka po ndodhte, po i tregonte për flakët masive që kishin përfshirë vendin dhe për gjenden kaotike të krijuar, kur papritur sipas tij, linja u ndërpre dhe lajmin fatal për të fejuarën e mori nga mediat.
