Shtatë ditë pas vrajës së biznesmenit Ferdinand Polia, të njohur në zonë si “Nardi i Bujtinave”, mësohet se është zbuluar autori i krimit.
Policia bën me dije se vrasësi i biznesmenit është 27-vjeçari Kristjan Sulaj, vëllai i të arrestuarit Alfred Martini.
I riu, që përdorte dy mbiemra, atë Sulaj dhe Martini, mësohet se u largua drejt Malit të Zi pas krimit, ndërsa ndodhet në kërkim nga policia.
35-vjeçari Polia u qëllua me armë zjarri, ndërkohë që ishte duke udhëtuar me automjetin e tij, në Grudë të Shkodrës.
Për vrasjen policia arrestoi pak ditë më parë tre bashkëpunëtorët e atentatorit, Gilbert dhe Kleandro Tomën, si dhe Alfred Martinin, 20 vjeç.
Pasi kishte jetuar prej disa vitesh në Itali, Ferdinand Polia ishte kthyer në vendlindje për të hapur bujtinën e tij në vitin 2005.
Jo pak herë, ai shprehte shqetësimin lidhur me infrastrukturën në zonën e Thethit, ku kishte dhe bujtinën e njohur me emrin Polia, të cilën kujdesej ta reklamonte te turistët e huaj.
