Pas largimit të bujshëm të moderatores Marina Vjollca nga Top Channel, një tjetër figurë e njohur televizive i rikthehet televizionit.
Florian Agalliu largohet nga ekrani i Vizion Plus, për t’u rikthyer aty ku e nisi karrierën e tij. Ai filloi si aktor në serialin “Komuna e Parisit” dhe më pas si prezantues i një rubrike brenda emisionit “E diell”. Më pas do ta shihnim në emisionin e gatimit në Vizion Plus, “Blind Taste”, apo drejtimi i “Dancing with the Stars” krah Çiljetës.
Në një intervistë për ‘Who’, aktori ka treguar se sezonin e ardhshëm do të rikthehet sërish në Top Channel, këtë herë krah Anjeza Majës në emisionin “Në shtëpinë tonë”. “Këtë vit më është dhënë mundësia të ndryshoj ekran.
Do të jem sigurisht brenda profilit tim sa i përket kuzhinës dhe në një format akoma më të madh,” tregon Agalliu. Përgjegjësia do të jetë edhe më e madhe për Florianin, me bashkëshorten e tij mbi kokë, Renisën, që ka qenë autore e këtij programi qysh prej fillimit, megjithatë moderatori tregon se për ta fituar këtë vend pune, iu desh të kalonte në të gjitha hallkat e detyrueshme. Krah Anjeza Majës në prezantimin e emisionit “Në shtëpinë tonë” ka qenë gazetari Alban Musa.
