Një burrë ka vdekur dhe gjashtë të tjerë rezultojnë të zhdukur pasi një jaht me vela u mbyt në brigjet e Siçilisë në orët e para të mëngjesit të së hënës, tha shërbimi italian i zjarrfikësve dhe shpëtimit.
Jahti 56 metra (183 ft) mbante një flamur britanik dhe britanikët janë në mesin e të zhdukurve, raportojnë mediat italiane.
22 personat në bord përfshinin 10 ekuipazh dhe 12 pasagjerë, disa prej të cilëve ishin shtetas amerikanë dhe kanadezë. Shërbimet e urgjencës shpëtuan 15 persona, përfshirë një fëmijë njëvjeçar.
Një vajzë angleze njëvjeçare është poashtu në mesin e 15 personave që u shpëtuan pasi varka me vela 56 metra (183 këmbë) shkoi nën ujë, sipas gazetës italiane Corriere Della Sera.
Mediat lokale raportuan se jahti u mbyt pasi u përball me një stuhi të fortë gjatë natës. Nga mbrëmja e së dielës dhe deri në mëngjesin e së hënës, një tufë stuhish intensive kaloi nga bregu verior i Siçilisë. Këto mund të kenë sjellë rritje të papritur të erës si dhe shi të dendur.
