Një foshnjë e porsalindur ka rezultuar pozitiv me Koronavirusin në atë që mendohet të jetë rasti më i ri i sëmundjes në Mbretërinë e Bashkuar.
Nëna e fëmijës, e cila u dërgua në spital disa ditë para lindjes me pneumoni të dyshuar, gjithashtu është infektuar.
Nëna testoi pozitive në spitalin North Middlesex, në rezultaet e dala pas lindjes. Pak minuta pas lindjes fëmija u testua me Covid-19.
Nuk dihet nëse fëmija është infektuar me sëmundjen në mitër apo është infektuar gjatë lindjes. “The Sun” i cili zbuloi për herë të parë rastin, raportoi se foshnja është duke u trajtuar në spital por nëna është transferuar në një spital të specializuar për infeksione.
Bazuar në të dhënat e deritanishme, shtatzënat dhe fëmijët e vegjël janë shumë pak të rrezikuar nga Koronavirusi, ndërsa shfaqin vetëm simptoma të lehta.
Lajmi vjen në kohën kur në Britani të Madhe është rritur në 800 numri i të infektuarve me coronavirus, me 200 të prekur më shumë brenda një dite, ndërsa 11 raportohet të kenë përfunduar me fatalitet.
