Tetë vende të Bashkimit Evropian do të testojnë një aplikacion të projektuar për të bllokuar fëmijët nga qasja në përmbajtje potencialisht të dëmshme në internet duke kontrolluar moshën e përdoruesit, tha Komisioni Evropian, ndërsa shumë vende shtyjnë përpara teknologji më gjithëpërfshirëse për të mbrojtur të miturit nga rreziqet në internet.
Aplikacioni i ri do të testohet në Danimarkë, Francë, Greqi, Itali dhe Spanjë, me një version kombëtar që do të lançohet në secilin prej këtyre vendeve në muajt në vijim. “Do t’u lejojë përdoruesve të vërtetojnë lehtësisht se janë mbi 18 vjeç, duke i mbrojtur fëmijët nga përmbajtja e papërshtatshme“, tha Henna Virkkunen, zyrtare e teknologjisë në Komisionin Evropian.
Aplikacioni i ri do të testohet në Danimarkë, Francë, Greqi, Itali dhe Spanjë, me një version kombëtar që do të lançohet në secilin prej vendeve në muajt në vijim. “Do t’u lejojë përdoruesve të vërtetojnë lehtësisht se janë mbi 18 vjeç, duke i mbrojtur fëmijët nga përmbajtja e papërshtatshme.”
«Është e vështirë të imagjinohet një botë ku fëmijët mund të hyjnë në një dyqan dhe të blejnë alkool, të shkojnë në një klub dhe të pretendojnë se janë mjaftueshëm të rritur për të hyrë pa asnjë kontroll identifikimi, vetëm duke deklaruar vetë ‘Po, jam mbi 18 vjeç’ », tha Caroline Stage Olsen , Ministrja e Danimarkës për Dixhitalizimin dhe Barazinë Gjinore, duke shtuar: « Por kjo ka ndodhur në internet për shumë vite ».
Pasi aplikacioni të lançohet në secilin vend, përdoruesit do të jenë në gjendje ta shkarkojnë atë dhe ta përdorin për të verifikuar, sa herë që janë gati të hyjnë në një faqe interneti ose platformë, për shembull me lojëra bixhozi ose përmbajtje pornografike, por edhe në mediat sociale , se kanë arritur moshën e kërkuar.
