Flori Mumajesi e ka konfirmuar bashkëpunimin me reperin Getoar Selimi. Ai ka publikuar një foto ku shfaqet në një studio muzikore bashkë me Getin, si për t’ju thënë fansave se diçka e madhe ju pret.
“Me legjendën Ghetto Geasy”, shkruan Flori i cili shihet mjaft i përqëndruar ndërsa Geti shihet duke pirë.
Bashkëpunimi i tyre i parë “Baby” pati shumë sukses. Nisur nga kjo, Flori Mumajesi dhe Getoar Selimi, kanë vendosur të mos jetë bashkëpunimi i fundit, por të takohen sërish bashkë.
Dyshja kanë në plan të bëjnë një projekt të suksesshëm që shpresojmë të dalë në verën e këtij viti. Nëse bëhet fjalë për një projekt si i pari, që tani mezi po e presim.
