Një gazetar në mesin e të infektuarve me COVID-19

Në mesin e 25 të infektuarve me COVID-19 që u identifikuan në 24 orët e fundit, është edhe një gazetar shqiptar.

Lajmin e bëri të ditur sot drejtoresha e ISHP-së Albana Fico, gjatë konferencës për shtyp që mbajti në orën 11:00.

Lexo edhe :

Rrëfimi i trishtë i Shkurtës për aktivitetin human: Tentuan të me keqpërdorin seksualisht

23:16 15/12/25

Detaje të reja nga vrasja e çiftit Reiner, varësia nga droga në qendër të hetimeve për djalin e tyre

22:52 15/12/25

Fiço sqaroi se gazetari është në gjendje të mirë shëndetësore dhe është izoluar në shtëpi. Ai po monitorohet nga mjeku i familjes.

Drejtoresha e ISHP-së, nuk dha asnjë detaj në lidhje me identitetin e gazetarit, për çështje etike, ndërsa sa i përket shëndetit të tij, gjithçka pritet për t’u bërë me dije në orët në vijim.

Kujtojmë që në Shqipëri rezultojnë në total 609 të infektuar me koronavirus dhe 26 viktima.

Sot për herë të parë, që pas shpërthimit të epidemisë në vend, nuk pati asnjë rast infektimi nga Tirana.

/Iconstyle.al