Filmi “Zana” nga Antoneta Kastrati është përzgjedhur si një ndër dhjetë filmat evropianë nga regjisore femra që do të shfaqen në kuadër të programit “Europe! Voices of Women in Film” në Sidney.
Ky program është krijuar nga European Film Promotion (EFP) dhe Festivalit të Filmi ne Sidney (SFF), dhe filmat e përzgjedhur do të shfaqen bashkë me projektet kinematografike australiane në kuadër të edicionit të 67-të të filmit në Sidney.
Antoneta Kastrati, e cila është regjisorja e filmit shqiptar, ka shprehur kënaqësinë e këtij vlerësimi që i bëjnë prodhimit të saj, ndërsa shprehet se kjo është hera e dytë që Kosova përfaqësohet në këtë program.
“Së pari, është nder i madh me qenë pjesë e programit të veçantë EUROPE! VOICES OF WOMEN IN FILM, i cili përfaqëson zëra të ri të grave regjisore nga Evropa në Sydney Film Festival. Veqanërisht më gëzon faktin që Kosova për herë të dytë përfaqësohet në këtë program. Kjo dëshmon që filmat nga Kosova vazhdojnë rrugën e suksesit në skenën ndërkombëtare”.
“E dyta, duke marrë parasysh kohën e vështirë në të cilën gjendemi për shkak të Pandemisë dhe anulimeve të festivaleve dhe shfaqjeve në kinema, jam shume falenderuese që Sydney film Festival dhe European film Promotion kanë gjetë mënyrën me vazhdu mbështetjen për filmat dhe artin edhe pse në një formë tjetër, online”, u shpreh Antoneta Kastrati regjisorja e filmit ‘Zana.
Edicioni virtual i festivalit dhe ceremonia e ndarjes së çmimeve do të mbahen nga data 10 deri me 21 qershor 2020. Filmi flet për jetën e Lumes, një grua që nuk bën dot fëmijë dhe përndiqet nga presioni i familjes për të kërkuar trajtim te shëruesit popullorë për infertilitetin e saj
