Megjithëse prej vitesh është pjesë e ekranit, moderatorja Nevina Shtylla ka preferuar ta mbajë larg mediave jetën e saj personale.
Nevina ka folur ditën e sotme si rrallë herë, në lidhje me jetën e saj personale duke treguar se ka një lidhje të konsoliduar dhe një raport që do ta shijojë në privatësinë e saj. Moderatorja u pyet gjithashtu nëse ka në plan të bëjë një fëmijë, ndërsa tregoi se për momentin është e fokusuar në jetën profesionale.
“Nuk kam plane për fëmijë sidomos tani që kam një projekt dhe dua t’i fokusohem plotësisht. Kam një raport të konsoliduar dhe mundohem ta shijoj në privatësinë time. Për të vendosur balancë më ndihmon fakti që nuk dua provokoj dhe të jem pjesë e skandaleve. Kjo më lejon të shijoj dhe punën time. Kjo gjë më ka ndihmuar që të shijoj jetën time në privatësi dhe ta ruaj në privatësi. Edhe partneri nuk ka pasur presion apo vëmendje të ekzagjeruar. Unë nuk kam dashur që të shfrytëzohet ky aspekt për ndonjë lajm që mua nuk më vlen fare”– tha Nevina në Wake Up.
Moderatorja është në romancë prej disa vitesh me një djalë me profesion jurist i quajtur Arbër. Dyshja nuk kanë dalë asnjëherë publikisht së bashku, duke e mbajtur romancën e tyre në fshehtësi. Ndonëse nuk publikon foto me Arbrin, Nevina nuk e ka fshehur faktin që është shumë e dashuruar me të.
Në një intervistë të para disa muajve, moderatorja tha se është e ëmbël dhe e dedikuar në lidhje por një nga gjërat më të këqija është se ndonjëherë bëhet ’grindavece’. Sa i përket planeve për dasmë tha se nuk mendon se do bëjë një të tillë sepse i mungon dedikimi për organizimin e saj.
